மீண்டும் சூரியன் உதயமானது!
கல்விக்கட்டணங்கள் உயர்ந்தன
மழைக்கு சாலைகள் இடம் மாறின
சாமியார் கைதானார்
ரயில் பெட்டிகள் தகர்க்கப்பட்டன.
பெட்ரோல் விலையால் பர்ஸ் கிழிந்தது
பாரளுமன்றத்தில் அமளி செய்தனர்
ஒரு நடிகன் முதல்வராக ஆயத்தமானான்
வெள்ளத்திலும் பஞ்சத்திலும் இறந்தனர்
டாஸ்மாக்கில் சாதனை முறியடிக்கப்பட்டது
கூட்டணிகள் உடைந்தன: உருவாகின
நதிகளுக்காகவும் அணைகளுக்காகவும்
பேச்சுவார்த்தை நடத்தினர்: பேசாமலே திரும்பினர்
தனக்குத் தானே பாராட்டு விழா நடத்தினர்
பாராட்ட யாருமில்லையானால் ஓய்வெடுத்தனர்
சில கோஷங்கள் வலுப்பெற்றன
சில கோஷங்கள் நீர்த்துப் போயின
நாத்திகர்கள் கூட்டம் போட்டனர்:
ஷாப்பிங் மால்களிலும், கோயில்களிலும் கூட்டம் முண்டியடித்தது
இடைத்தேர்தலுக்காக ஏங்கினர்
காதல்கள் காவியமானது...காமங்கள் நிஜம் ஆனது
மீண்டும் ஒரு காலண்டர்: மீண்டும் ஒரு வருஷம்!
ரசிகனின்....புத்தாண்டு வாழ்த்துக்கள் !!
கருத்துகள் இல்லை:
கருத்துரையிடுக